ЈАВНИ НАБАВКИ

Отворено со Вас

Пријави проблем

Проектот за локална и регионална конкурентност (ПЛРК)

Службен гласник

Моја - општина

Skopjediem

Beeconomy

Кодекс за административни службеници

Кодекс за административни службеници
Општина Неготино
Заврши асфалтирањето на првите 800 метри од патот Г.Дисан-Вешје PDF Печати

Во предвидениот временски рок за тоа и со обезбедени средства од страна на општина Неготино во висина од 20 милиони денари завршија градежните работи за асфалтирање на првите 800 метри од патниот правец од Горни Дисан до Вешје. Истовремено, работници на фирмата-изведувач  извршија проширување и тампонирање на дел од патот во должина од близу 2 километри со што дојде до значително подобрување на условите и безбедноста за одвивање на сообраќајот во овој регион застапен со земјоделски површини со најголема застапеност на лозовите насади-локација  каде што секојдневно се упатуваат голем број граѓани од регионот на Дисанијата, од општина Неготино, како и од соседни општини. Станува збор за реализација на првата фаза од проектот за комплетно уредување на  овој пат со поставување на два слоја асфалт на првите 800 метри и со ширина на патот од 5,5 метри, додека асфалтирањето на останатиот дел од патот ќе се одвива во фази.

Повеќе...
 
Општина Неготино на 15-ти јуни ќе спроведе прскање против комарци PDF Печати

   Во среда на 15-ти јуни на целата територија на општина Неготино ќе се спроведе дезинсекција за уништување на комарци. Прскањето ќе се одвива со препаратот „аквакотрин“-еден од најефикасните за уништување на комарците и ќе започне околу 22,00 часот со тоа што на почетокот ќе бидат опфатени периферните делови од општината, а по полноќ кога и раздвиженоста е помала, ќе се прска во централното градско подрачје. Токму затоа, на населението му се препорачува во овој период да биде попасивно во поглед на движењето во центарот на градот, а до пчеларите и до пчеларските здруженија се апелира навремено да преземат соодветни мерки за заштита на пчелите. Средствата потребни за спорведување на акцијата за дезинсекција се обезбедени од Буџетот на општина Неготино.

 
„Македонија без отпад“-Неготино 2016 г. PDF Печати

  Стотоци граѓани на општина Неготино, владини функционери, спортисти, екологисти и многу други се вклучија и зедоа учество во 5-тата по ред акција „Македонија без отпад“ што се спроведе на дел од територијата на Неготино. Повеќе локации од отпад ги чистеа заменик-министерот за животна средина Стево Темелковски, директорот на Агенцијата за млади и спорт Марјан Спасевски, градоначалникот на општина Неготино Ванчо Апостолов, директорката на „Комуналец“ Наташа Лазова и други при што беше собран отпадот на три локации:- приклучниот пат за влез во Неготино од старата бензинска пумпа, двете улици долж булеварот Маршал Тито и просторот околу спортска сала Младост. Самата акција беше реализиран со две цели-да се искорстат овие пролетни денови за остранување на мали и диви депонии од отпад и да се едуцираат граѓаните за подигнување на свеста за штетите од неконтролираното исфрлање отпад.

Повеќе...
 
Во недела акција „Македонија без отпад“ за почисто Неготино PDF Печати

   Во недела, на 05-ти јуни, и на подрачјето на општина Неготино ќе се реализира традиционалната акција „Македонија без отпад“ која има за цел преку масовно учество на сите заинтересирани граѓани да се придонесе за отстранување на отпадот на определени локации на кои ќе се изведуваат активностите од оваа акција.. Директорката на „Комуналец“ Наташа Лазова не информираше дека акцијата ќе се одвива на 3 локации, при што ќе се чистат двете улици од Булеварот Маршал Тито, приклучниот пат кон Неготино од старата бензиска на Макпетрол и просторот околу Спортско рекреативниот центар Младост кој неодамна беше комплетно уреден од страна на „комуналци“. Во акцијата најавено е присуство и учество и на заменик-министерот за животна средина во Владата на РМ Стево Темелковски, градоначалникот на општина Неготино Ванчо Апостолов, вработени во локалната администрација и државни установи, вработени од локалното комунално претпријатие, како и други граѓани кои ќе се вклучат во остата. Организаторите упатуваат јавен апел до сите заинтересирани граѓани кои ќе изразат желба да се вклучат во расчистувањето на Неготино дека акцијата во недела на 05-ти јуни ќе започне од 11,00 часот.

Повеќе...
 
Прием за државните прваци од СОУ„Св.Кирил и Методиј“ по сообраќајно-техничка култура PDF Печати

   Постигнатиот  голем успех на учениците  од Средното општинско училиште „Св. Кирил и Методиј“ од Неготино кои на одржаниот Државен натпревар по „Сообраќајно техничка култура на младите“ кој се одржа во Скопје го освоија првото место и станаа прваци во екипна конкуренција во Република Македонија, беше повод денеска градоначалникот на општина Неготино Ванчо Апостолов за нив и нивниот ментор да организира прием на кој беше информиран за ова одлично постигнување на учениците. Апостолов ја искористи можноста да им честита на успехот и да ја искаже гордоста што Неготино има млади луѓе со извонредни познавања од различни области, а тоа пак резултира со одлични постигнувања на разни натпреварувања на кои тие учествуваат.  Инаку, неготинската екипа која беше составена од тројца ученици овој извонреден успех го постигна под менторство на професорот Симеончо Пушкинов, а  што се однесува до настапите во поединечна конкуренција ученикот од трета година Миле Ефтимов го освои првото место и доби награда велосипед, Александар Мицев од прва година го освои третото место и награда таблет, додека Игне Јанчев од прва година беше четвртопласиран.

Повеќе...
 
Заврши петтото по ред отворено градско првенство на Неготино во шах PDF Печати

  Во организација на општина Неготино, а  во соработка со Градскиот шаховски клуб Неготиноод 20 до 23 мај во просториите на Туристичко-информативниот центар Желкова куќасе одржа петтото по ред отворено првенство на Неготино во шах. На првенството зедоа учество 22 учесници кои одиграа вкупно 7 кола по швајцарски систем. Победник на овогодинешното отворено првенство на Неготино во шах е младиот шахист Тони Лазов кој од седум одиграни партии освои 6,5 поени и ја освои првата награда во вредност од 5.000 денари. Второпласиран на турнирот е Илија Ѓорѓиев, а третопласиран е Санде Атанасов. Исто така награди добија и најдобро пласираниот млад учесник (до 18 години) и најдобро пласираниот ветеран (над 60 години) кои зедоа учество на турнирот. Вкупниот награден фонд кој го обезбеди општина Неготино изнесуваше 17.000 денари, а дипломите и наградите на најдобрите им ги додели покровителот на првенството градоначалникот на Општина Неготино, г-нот Ванчо Апостолов.

Повеќе...
 
<< Почеток < Пред 131 132 133 134 135 136 137 138 139 140 Следно > Крај >>

Лист 140 од 248