Општина Неготино
КОНКУРС ЗА ФИНАНСИРАЊЕ ПРОЕКТИ ОД НАЦИОНАЛЕН ИНТЕРЕС ВО КУЛТУРАТА ЗА 2014 ГОДИНA PDF Печати

   Министерството за култура, во согласност со Националната стратегија за развој на културата за периодот 2013-2017 година („Службен весник на РМ“ бр. 15/2013) за остварување на националниот интерес во културата, ќе обезбеди средства од Буџетот на Република Македонија за поддршка на проекти од национален интерес во културата.
Проектите пријавени на Конкурсот, за да бидат поддржани од Министерството за култура како проекти од национален интерес за културата на Република Македонија, треба да исполнуваат најмалку еден од општите критериуми и најмалку еден од посебните критериуми по одделни дејности и области во културата во согласност со Правилникот за критериумите за финансирање на програмите, односно проектите по одделни дејности во културата („Службен весник на Република Македонија“ бр. 70/2011). Правилникот ќе биде објавен на веб-локацијата на Министерството за култура (www.kultura.gov.mk).
На Конкурсот може да учествуваат: уметници, самостојни уметници, приватни установи, локални установи, здруженија на граѓани, фондации и други правни и физички лица што вршат дејност од областа на културата во согласност со Законот за културата и со другите позитивни законски прописи во Република Македонија.
Конкурсот е отворен до 7 јули 2013 година.
Повеќе информации и пријави за аплицирање можете да најдете на

http://www.kultura.gov.mk/index.php/konkursi/979-konkurs-za-finansiranje-proekti-od-naciomalen-interes-vo-kulturata-za-2014-godina

 
АСФАЛТИРАН И УРЕДЕН ЦЕНТАРОТ ВО ВОЈШАНЦИ, НЕГОТИНО PDF Печати

   Во период од 3 месеци работници на ГП Урбан инвест извршија комплетно уредување на централното подрачје во неготинското село Војшанци, а работите финишираа со асфалтирање на целиот простор на кој се изведуваа градежни работи. На реализацијата на финалните активности присуствуваше и градоначалалникот на општина Неготино Ванчо Апостолов кој не го криеше задоволството од добро завршената работа и кој информираше дека целокупното спроведување на проектот чинеше околу 5.000.000 денари- средства обезбедени од Буџетот на општина Неготино. Директорот на градежната оператива Симон Ѓорески истакна дека е асфалтирана вкупна површина од 1.800 м2 при што се опфатени неколку улици во центарот на селото, поставени се улични бетонски рабници во должина од 600 метри, на постоечките тротоари се поставени бекатон коцки на површина од 850 м2, а на иницијативата на месното население извршена е санација на постоечкиот бунар. Со завршувањето на уредувањето, централното подрачје во Војшанци доби сосема нов и модерен изглед и во иднина повеќе од сигурно ќе претставува место каде што жителите во одмор и релаксација ќе можат да минуваат дел од слободното време, а за таа цел градоначалникот Апостолов најави поставување на клупи, осветлување на просторот и негово хортикултурно уредување.

Повеќе...
 
АРХЕОЛОШКИ ИСТРАЖУВАЊА НА ТРИ ЛОКАЛИТЕТИ ВО ТРЕМНИК, НЕГОТИНО PDF Печати

   Претставници на Музејот на Македонија и градскиот музеј на Неготино, професори  и студенти од Филозовскиот факултет-отсек археологија и десттина локални жители од половината на минатиот месец се ангажирани околу истражувањата кои се вршат на локалитети на територијата на општина Неготино. Според зборовите на раководителите на проектот Антониот Јакимовски и Марјан Јованов истражувачките работи се одвиваат на три локалитети и тоа Мали дол, Чаир рид и Јака чешма, што само потврдува дека општина Неготино, а посебно атарот на селото Тремник располагаат со огромно археолошко богатство што претставува предизвик за истражување од страна на стручната јавност. Посебно атрактивен е локалитетот Јака чешма каде што е откриено постоење на римски водовод што според археолозите докажува дека на овој простор во минатото егзистирала елитна и многубројна населба. Истражувањата се очекува да се одвиваат и во периодот од наредните два месеца, а целокупните активности се финансирани со средства од Министерството за култура и локалната самоуправа Неготино. Овој археолошки локалитет го посети градоначалникот на општина Неготино Ванчо Апостолов кој се интересираше и доби релевантни информации за досегашниот тек од истражувањата и плановите за во иднина.

Повеќе...
 
ЗАВРШИ ГРАДСКОТО ПРВЕНСТВО НА НЕГОТИНО ВО ШАХ PDF Печати

   Изминативе денови во просториите на Туристичкиот-инфорнмативен центар во организација на локалната самоуправа и Градскиот шаховски клуб по втор пат се одржа отвореното градско првенство на Неготино во шах на кое се натпреваруваа вкупно 26 учесници. По одигрувањето на натпреварите по Швајцарски систем, во исклучително силна и остра конкуренција првото место го освои Иле Ѓорѓиев, второпласирана беше Емилија Ларачеа, третото место му припадна на Санде Атанасов, четрвти беше Тони Лазов, додека напетто место се пласираше Душко Јанев. Наградниот фонд на турнирот изнесуваше 17.000 денари- средства кои на учесниците им беа распределени во  зависност од остварениот пласман. Наградите на најуспешните им ги додели покровителот на турнирот – градоначалникот на општина Неготино Ванчо Апостолов кој најави дека со оглед на континуираното зголемување на бројот на пријавените учесници и квалитетот на прикажаните игри, повеќе од сигурно е дека и наредната година Градското првенство на Неготино во шах повторно ќе биде организирано од страна на локалната самоуправа.

Повеќе...
 
ВО НЕГОТИНО ПОЛОЖЕНО ЦВЕЌЕ НА БИСТИТЕ НА ПАДНАТИТЕ БОРЦИ ОД НОВ PDF Печати

   Со пригодна свеченост одржана во градскиот парк, во Неготино беше одбележана 70-годишнината од одржувањето на значајни настани од Народноослободителната војна во 1943 година, а во чест и со почит кон борците кои таа година ги загубија своите животи за слободна Македонија. Свежо цвеќе на спомен-бистите на паднатите борци положија градоначалникот на општина Неготино Ванчо Апостолов и претседателот на општинскиот Совет Јордан Паунов, делегации на Здруженијата на борци од општините Неготино и Кавадарци, претставници на Здружението на пензионери, членови на семејства на загинати борци, делегации на политички партии од општината и други. Во чест на одбележувањето на оваа годишнина, се одржа и пригодна програма со рецитали и настап на членовите на Распеаните пензионери кои исполнија неколку музички нумери.

Повеќе...
 
ВО НЕГОТИНО ПРЕЗЕНТАЦИЈА НА ЛОКАЦИИ ЗА ИЗГРАДБА НА ВИНАРИИ PDF Печати

   Во организација на локалната самоуправа, денеска во Неготино се одржа трибина на која беше извршена промоција на расположливите локации во општината погодни за изградба на винарии и други стопански објекти за откуп, складирање, преработка и дистрибуција на земјоделски производи. Станува збор за 28 локации за изградба на винарии распоредени на 4 урбанистички планови од кои 5 се веќе продадени, а се дел од проектот на Владата на РМ за изградба на 100 мини –винарии на територијата на цела држава за што поопширно говореше заменик-министерот за земјоделие Зоран Коњановски. Градоначалникот на општина Неготино Ванчо Апостолов истакна дека локалната власт во соработката со Владата на РМ и разни донатори и инвеститори во наредниот период ќе продолжи да биде фокусирана на локалниот економски развој и на градењето партнерство со бизнис-секторот, а ја истакна и подготвеноста во договор со потенцијалните инвеститори општината да промовира и да понуди услови кои ќе значат ослободување од разни надоместоци со цел да се отвораат нови капацитети и се обезбедат работни места за граѓаните на општина Неготино. На трибината во Неготино беше извршена и презентација на предлог-модификациите во мерките ИПАРД 2013 во делот за винарство, како и за можностите за инвестиции за промоција на активностите за рурален туризам.

Повеќе...
 
<< Почеток < Пред 141 142 143 144 145 146 147 148 149 150 Следно > Крај >>

Лист 149 од 192