На вкупно 66 родители кои во изминатиот период добија новороденчиња денеска им ги врачив вредносните ваучери во висина од 7.000 денари како еднократна парична помош. За оваа намена од буџетот на општина Неготино издвоивме 462.000 денари, а ваучерите беа доделени за новороденчиња родени во периодот февруари- јули, оваа година. На сите присутни родители од мое име и од име на општина Неготино им ги честитав приновите посакувајќи им добро здравје и среќа.
