Градоначалничката на општина Неготино Марија Нацева изврши увид на градежните работи кои се одвиваат на уште една локација на територијата на општина Неготино.
Се работи за голем и комплексен зафат на три краци од ул ,, 29 Ноември “ каде што се изведува комплетна реконструкција и промена на канализационата мрежа, се врши промена на старите и дотраени азбестни цеви и се поставуваат приклучоци.
По завршувањето на промената на фекалната и атмосферската мрежа, ќе се пристапи кон комплетно асфалтирање на цела улица „ 29 Ноември “ во должина од 724 метри. Вредноста на проектот изнесува 28.587.448 денари, а финансиските средства се обезбедени од Министерството за транспорт во Владата на Република Македонија.
