Согласно договорот за реконструкција на улици во Тремник склучен помеѓу општина Неготино и ГП Градба промет, во изминатиот период се одвиваа градежни работи за реконструкција на улица во селото Тремник. Согласно основниот проект за реконструкција на улици во Тремник се реконструираше и асфалтираше улица 4 која содржи 3 краци во вкупна должина од 360 метри.
Вредноста на работите согласно договорот изнесува 4.136,937 денари со ДДВ, а средствата за реализацијата на проектот се обезбедени од Буџетот на општина Неготино.
Основниот проект го изработи ИНТ Глобал инженеринг АВ ДООЕЛ Битола, а надзорот на работите го вршеше МБМ архитекти ДООЕЛ Скопје.
