Врз основа на член 62, став 10 од Законот за урбанистичко планирање (Сл.Весник на РСМ бр.32/20 и 111/23), член 50 точка 4 од Законот за локална самоуправа (“Сл.весник на РМ” бр.5/02), донесената Годишна програма за изработување на урбанистички планови на Општина Неготино за 2024 година од Совет на Општина Неготино, Градоначалникот на Општина Неготино го дава следното:
С О О П Ш Т Е Н И Е
за јавен увид за
Урбанистички проект вон опфат на урбанистички план за формирање на градежна парцела ГП2 со основна класа на намена Г4 – Стоваришта, складови и отпади на КП 3891/5, дел од КП3890/4, дел од КП3890/1, КО Неготино, Општина Неготино
Границите на проектниот опфат се:
– на североисток низ КП 3890/1 , низ КП 3890/4, КП 3889 и КП 3881
– на југоисток КП 3891/1
– на југозапад КП 3891/4, КП 3891/2 и КП 3890/2
– на северозапад низ КП 3890/1, КП 3890/3.
Површина на проектниот опфат во рамки на опишаните граници изнесува 4996,47 м2 или 0.499 ха.
Урбанистичкиот проект е објавен на веб страната на општината. Јавниот увид ќе трае 15 дена започнувајќи од 17.10.2024 до 31.10.2024 година. За време на траењето на јавниот увид заинтересираните правни и физички лица подетални информации можат да добијат во Општина Неготино.
Во текот на јавниот увид, забелешките можат да достават сите заинтересирани физички и правни лица на анкетни листови.
