Во Војшанци започна одржувањето на традиционалниот турнир во мал фудбал ,, Илинден 2026 ” на кој учествуваат вкупно 14 екипи од нашата општина, но и од други општини во Македонија.
Генерален покровител на турнирот е општина Неготино, а вклучени се и други спонзори, при што е обезбеден награден фонд од 130.000 денари кои ќе бидат распределени врз основа на пласманот на екипите, а парични награди ќе добијат членовите на тимовите кои ќе се пласираат од прво до четврто место.
Отворајќи го турнирот градоначалничката на општина Неготино Марија Нацева изрази надеж дека сите посетители ќе имаат можност да гледаат интересни и неизвесни натпревари и посака да победи најдобрата екипа. Инаку, турнирот ќе трае 10 денови и ќе заврши на 31-ви овој месец со прогласување на најдобрите и доделување на наградите.
