Пеење во еден глас, танцување, другарување и исполнет градски плоштад со посетители од сите генерации – ваква беше сликата вечерва на настанот ,, Back to school ” – ,, Враќање во училиште ” што општина Неготино го организираше по повод започнувањето на новата учебна година.
Масовното присуство на нашите сограѓани во потполност го оправда одржувањето на овој настан од забавно музички карактер кој има за цел да понуди опуштање и релаксирање на публиката.
За добрата забава и веселото расположение се погрижија DJ DOUBLE ONE и TASKO, а речиси сите присутни ја искористија можноста да се фотографираат со 4-те маскоти со нивните омилени ликови.
