Општина Неготино

www.negotino.gov.mk 

Новости|

126 мостри на црвени, бели и розе вина и ракии се доставени по јавниот повик од страна на општина Неготино за учество во натпреварот за избор на најдобри вина од реколтата 2022 година и ракии од индивидуални производители од цела Македонија. Со дегустацијата на мострите и официјално започнаа активностите од „Неделата на виното“ која општина Неготино ја организира по повод верскиот празник Свети Трифун-заштитникот на лозарите и винарите. Оценувањето на 28 мостри црвени вина, 36 бели, 14 вина розе и 48 мостри на ракии го врши 5-члена комисија составена од енолози од Здружението на енолози на Македонија. За производителите на најквалитетните вина и ракии општина Неготино обезбеди пригодни награди кои ќе им бидат врачени во вторник (14.02.) на градскиот плоштад каде што ќе се одржи централниот настан по повод Свети Трифун.

Close Search Window