Врз основа на член 79 став 1 точка 29 од Статутот на општина Неготино („Сл.гласник на општина Неготино “ бр. 3/06, 2/11, 9/11, 16/12 , 16/14 ,13/20 и 3/22) , член 26 и 26-а од Закон за јавни претпријатија ( Сл. весник на РМ бр. 38/96, 9/97, 6/02, 40/03, 9/06, 22/07, 83/09, 97/10, 6/12, 119/13, 41/14, 138/14, 25/15, 61/15, 39/16, 64/18 , Сл.весник на РСМ бр. 35/19, 275/19, 89/22 и 274/22, 208/24 и 193/25) и Правилник за формата и содржината на јавниот повик за пројавување на интерес за пријавување на кандидати за избор на член на Управен и Надзорен одбор на јавно претпријатие , начинот на поднесување на пријавата , обрасците за пријавување и начинот на бодување и селекција на кандидатите ( „ Сл. весник на РСМ ’ бр. 213/24) Советот на општина Неготино, објавува
Јавен повик бр.02/2026 за пројавување на интерес за пријавување на кандидати за избор на членови на Надзорен одбор на ЈП „КОМУНАЛЕЦ “ Неготино
Јавниот повик се однесува за пројавување на интерес за пријавување на кандидати за избор на член на Надзорен одбор на ЈП „ Комуналец “ Неготино.
ЈП „ Комуналец “ Неготино е основано од страна на Советот на општина Неготино со приоритетна шифра на дејност 36.00 Собирање, обработка и снабдување со вода за пиење .
Надлежности на ЈП „ Комуналец “ Неготино се : Собирање на отпад и одржување на јавни и прометни површини, одржување на зелени површини , одржување на гробишта и градска капела , собирање на смет , одржување на депонија, собирање. Транспорт и депонирање на комунален отпад .
Веб страница на ЈП КОМУНАЛЕЦ Неготино е www.jpknegotino.com.mk .
Јавниот повик се распишува за членови на Надзорен одбор на ЈП „Комуналец „ со мандат од 4 години. Надзорниот одбор е составен од 3 члена .
Кандидатот за член на Надзорниот одбор на ЈП „КОМУНАЛЕЦ „ Неготино треба да ги исполнуваат следните услови :
- Да е државјанин на Република Северна Македонија
- Да има стекнато најмалку 240 кредити според ЕКТС или завршен VII/1 степен образование и
- Во моментот на именувањето со правосилна судска пресуда да не му е изречена казна или прекршочна санкција забрана за вршење на професија , дејност или должност.
Освен општите услови член на надзорен одбор на јавните претпријатија треба да имат соодветно работно искуство и тоа:
- Член на Надзорниот одбор треба да има најмалку 5 години работно искуство
- Член на Надзорниот одбор треба да има најмалку од 5 години работно искуство од областа на финансиското работење и
- Член на Надзорниот одбор треба да има најмалку 5 години работно искуство од од областа на правните работи.
Кандидатот кон пријавата треба да ја приложи следната документација:
- Образец за пријавување
- Државјанство на Република Северна Македонија
- Уверение или диплома за завршено високо образование и стекнати 240 кредити според ЕКТС или завршен VII/1 степен образование ( соодветно за местото за кое се пријавува)
- Потврда дека со правосилна судска пресуда не му е изречена казна или прекршочна забрана за вршење професија дејност или должност
- Доказ за соодветно работно искуство наведено во јавниот повик( потврда од ФПИОСМ за евидентиран стаж)
- Кратка биографија
- Сертификати, лиценци, уверенија, дипломи издадени од овластени односно актредитирани институции за нивно издaвање согласно закон.
Заинтересираните кандидати потребната документација потребно е да ја достават во хартиена форма (оригинал или копија заверена на нотар ) заедно со пополнета Пријава на образец за пријавување на јавен повик , со назнака на кој Јавен повик се однесува и да ја достават до Архивата на општина Неготино на ул.„Ацо Аџи Илов “ бр.2 најдоцна до 20.01.2026 година.
Рокот за пријавување изнесува 5 дена од денот на објавување на јавниот повик.
Образецот за пријавување на јавен повик е составен дел на овој Јавен повик.
Член на НО на ЈП не може да има лично , преку трето лице или по било која основа интереси во претпријатието кое е во деловни односи со јавното претпријатие, кои можат да имат било какво влијание на неговата независност и непристрасност во одлучувањето во јавното претпријатие.
Документација доставена по истек на рокот за пријавување нема да биде разгледувана.
Постапката на селекција на кандидатите за член на Надзорен одбор на ЈП „ КОМУНАЛЕЦ “ Неготино ќе ја спроведе Комисија за селекција формирана од страна Советот на општина Неготино.
Постапката на селекција на кандидатите за член на Надзорен одбор на ЈП „КОМУНАЛЕЦ “ Неготино ќе ја спроведе Комисија за селекција во две фази :
- Административна селекција ( завршува најдоцна најдоцна во рок од 10 дена по истекот на рокот за пријавување на кандидатите)
- Интервју ( со кандидатите што успешно ја завршиле административната селекција, се спроведува најдоцна 10 дена од денот на завршување на административната селекција) .
Точното време и место на одржување на интервјуто ќе се обават на веб страната на општина Неготино.
По завршување на фазите на селекција комисијата подготвува и до основачот на јавното претпријатие доставува ранг листа , од најмногу 10 најдобро рангирани кандидати најдоцна 10 дена од денот на завршување на интервјуто.
Советот на општината во рок од 15 дена од приемот на предлогот ќе изврши соодветен избор и ќе донесе одлука за именување на членови на Надзорниот одбор на ЈП „КОМУНАЛЕЦ“ Неготино.
СОВЕТ НА ОПШТИНА НЕГОТИНО
Претседател ,
Лилјана Арсова Митрова с.р
