И оваа година во организација на општина Неготино ќе се одржи традиционалната Неготинска музичка вечер.
Како организатори ги преземаме сите потребни активности за беспрекорно одржување на настанот на кој очекуваме посетители од неготинска општина, Тиквешијата и од цела држава.
За забавата на присутните ќе се погрижат познатата македонска поп пејачка Антониа Гиговска, естрадната уметничка од Србија Милица Тодоровиќ, а свој настап ќе има и DJ Tamu.
Општина Неготино упатува јавна покана до сите заинтересирани граѓани во петок на 25-ти септември да повелат на градскиот плоштад и да уживаат во богатата музичка програма.
