Преку донација од Амбасадата на САД во Македонија општина Неготино обезбеди противпожарно возило и опрема за потребите на ТППЕ-Неготино со кои се зголемуваат оперативните капацитети, како и брзината, безбедноста и ефикасноста при потенцијални интервенции на терен од страна на неготинските пожарникари.
На чинот на примопредавањето на возилата и опремата кој се одржа во кругот на ТППЕ-Штип покрај градоначалниците на општините Штип, Неготино, Радовиш и Конче присуствуваше и свое обраќање имаше Нејзината Екселенција В.Д. амбасадорката на САД во Република Македонија Никол Варнс која ги потенцираше бенефитите кои ќе ги имаат пожарникарите од 4-те општини кои добија возила и опрема
Присуството на настанот градоначалничката на општина Неготино Марија Нацева го искористи да се заблагодарам на амбасадорката Варнс за донацијата, соработката и поддршката од Амбасадата на САД кои, во случајов, имаат значаен придонес за ефикасно функционирање на ТППЕ-Неготино.
Заедно со колегите градоначалници, Нацева присуството на настанот го искористи за одржување заедничка работна средба со амбасадорката Варнс на која се дискутираше за предизвиците со кои се соочуваат локалните самоуправи.
