Во рамките на програмата INTERREG IPA ADRION 2021-2027 година и Проектот LAMO – Локалните власти на патот кон одржлива мобилност во Јадранско – Јонскиот регион денес во Неготино се одржа третата и последна LIVING LAB сесија.
На настанот присуствуваа претставници на институции, невладини организации, бизнис секторот и заинтересирани граѓани, како и претставници на проектните партнери на LAMO од Пела – Грција, Агенцијата за развој на Тешањ – Босна и Херцеговина и Идрија – Словенија.
Градоначалничката на општина Неготино Марија Нацева присуствуваше, се обрати и го отвори настанот посакувајќи им на сите учесници успешна и плодна работа.
Работната средба има за цел размена на искуства, дискусии за резултатите на ,, living labs “, како и дополнително истражување на можностите за одржлива, безбедна, достапна и инклузивна мобилност.
