Градоначалничката на општина Неготино Марија Нацева заедно со директорот на ЈЗУ Здравствен дом Неготино д-р Љупчо Пасинечки извешија увид во работите од проектот за енергетска ефикасност во јавниот сектор, во случајов неготинскиот здравствен дом, финансиран согласно договорот помеѓу Република Македонија и Меѓународната банка за обнова и развој кој ќе резултира со намалена потрошувачка на енергија и создавање на подобри услови за работа на здравствените работници и престој на пациентите.
Работи се изведуваат на целиот објект на Здравствениот дом, во сите одделенија и останати простории и тоа со менување на старите надворешни врати и замена со нови, замена на прозорците, отстранување на старото и поставување на ново парно греење, поставување соларни системи за топла вода, комплетна изолација на целиот простор и работи на кровната конструкција, поставување на греење и ладење во ист систем со топлотни пумпи, вградување на котел на пелети и многу други активности кои се одвиваат на целиот објект на Здравствениот дом.
Покрај зафатите во неготинскиот Здравствен дом, работите согласно проект ќе се одвиваат и во здравствениот пункт во Долни Дисан и во здравствената станица во Д.Капија. Изведувач на работите е градежната фирма Вардар Градба од Скопје, а инвеститор е Меѓународната банка за обнова и развој.
