Општина Неготино инвестира во безбедноста на граѓаните – ставени се во функција семафорите на една од најфреквентните локации во градот.
Имено, по завршувањето на градежните работи за нивно поставување, пробниот период на тестирање, после 20 години Неготино доби нови и функционални семафори.
Истите се лоцирани на раскрсницата кај Музејот на град Неготино на улица Маршал Тито и спојот со улиците Борис Кидрич и Антигона.
Паралелно, се изврши и бележење и поставување хоризонтална и вертикална сигнализација на главната улица.
Сето ова е со цел за поголема безбедност на сите учесници во сообраќајот.
