Со огромна масовност и учество на над 50 учесници од општина Неготино и 30 учесници од други општини во Македонија, започна традиционалниот турнир во табла по повод празникот 8-ми ноември.
Настанот се одржува под покровителство на општина Неготино и во соработка со Македонскиот бек гемон сојуз. Турнирот се игра по систем на елиминација, додека полуфиналните и финалниот натпревар ќе се играат утре (сабота ) по што ќе бидат познати најдобрите на турнирот.
Првопласираниот таблаџија ќе добие парична награда од 15.000 денари, за второ место 10.000 и трето место 5.000 денари. Покрај паричните награди ќе бидат доделени дипломи, пехари и табли.
