Општина Неготино во координација со Здружението на социјалните работници и со корисниците на крајните услуги потпиша меморандум за ангажирање на лица за извршување на општо корисна работа.
Меморандумот го потпишаа претставници на училиштата од нашата општина, Јавното претпријатие Комуналец, детската градинка Фемо Кулаков и Дневниот центар за лица со посебни потреби Порака.
Станува збор за малолетници – сторителите на прекршочни дела кои ќе бидат ангажирани за извршување на општо корисна работа во горенаведените установи за извршување на работи и работни задачи согласно потребите на потписниците на меморандумот, а со тоа ќе дадат сопствен придонес онаму каде што ќе има потреба од нивен ангажман.
