Со директен пренос на каналот ARENA FIGHT во спортската сала Младост во Неготино вечерва се одржа елитниот боксерски настан BALKAN BOXING на кој настапија боксери од Македонија и странство.
Настанот се одржа во соработка со Про Бокс Македонија, а ваков боксерски спектакл за прв пат се одржува во Неготино и Република Македонија.
Марија Нацева градоначалник на општина Неготино се заблагодари на довербата токму нашиот град да биде домаќин на овој боксерски настан кој благодарение на заедничката соработка помина во најдобар ред на задоволство на организаторот, учесниците и публиката во салата.
Целиот боксерски спектакл од Неготино директно се пренесуваше на специјализираниот канал за бокс ARENA FIGHT што овозможи истиот да го проследат гледачи од целиот Балкан.
