Во присуство на голем број учесници, гледачи-навивачи и други заинтересирани граѓани денеска градоначалничката на општина Неготино Марија Нацева за отворен го прогласи традиционалниот турнир во фудбал кој се одржува во Тимјаник по повод одбележувањето на верските празници Петровден и Павловден.
За учество на турнирот се пријавени и ќе се натпреваруваат вкупно 16 екипи од цела Македонија кои ќе бидат поделени во 4 групи од кои најдобропласираните ќе разигруваат за пласман и освојување на првите 3 места, а натпреварите ќе се играат во вечерните часови на фудбалското игралиште во склоп на подрачното училиште во Тимјаник.
Наградниот фонд на турнирот е 200.000 денари, генерален спонзор е општина Неготино, а одржувањето на истиот го подржаа и потпомогнаа над 40 општествено одговорни фирми.
На сите учесници градоначалничката Нацева им посака многу среќа и успех во натпреварувањето со надеж дека ќе победи најдобрата екипа. Организатор на турнирот е Здружението на граѓани Зајакнување на заедницата преку промени од Тимјаник кое пред почетокот на турнирот организираше богата музичка програма.
