Градоначалничката на општина Неготино Марија Нацева како претставник на Заедницата на единиците на локалната самоуправа, присуствуваше на работната средба со Делегацијата на Конгресот на локални и регионални власти при Советот на Европа.
Мисијата има задача да провери како се одвива процесот на децентрализација во нашата држава и колку се почитува Кодексот за локална самоуправа од Европа ратификуван во Собранието на Република Македонија.
Целта на средбата, меѓу другото, беше и да се оцени примената на Европската повелба за локална самоуправа по предходниот мониторинг извештај усвоен во 2021 година.
