Обезбедувањето на училишни униформи за учениците од прво до деветто одделение е мерка која во нашата општина се спроведува за прв пат и претставува директна институционална поддршка за значително олеснување на семејните буџети од една страна, а паралелно преку овие системски чекори креираме училишен амбиент ослободен од социјални разлики, при што единствен фокус на учениците останува воспитно образовниот процес.
Исто така, целта е секое дете да се чувствува подеднакво вреднувано, достоинствено и прифатено, родителите да се чувствуваат спокојно, а општина Неготино останува стабилен партнер на секое семејство.
Се реализира уште еден ветен и значаен проект, а тоа е обезбедување на бесплатен оброк за сите ученици од прво до петто одделение со квалитетно мени изработено во соработка со нутриционисти, но и со собирање искуства од општини каде овој проект функционира. Учениците навремено го добиваат својот оброк, а родителите и нивните блиски се ослободени од обврската за подготовка или издвојување финансии за оброк на своите деца.
На предлог на градоначалничката Нацева, секој понеделник како прв работен ден во неделата, наставата во двете основни и подрачните училишта започнува со интонирање на химната на Република Македонија.
На сила е стапена и одлуката за забрана за користење на мобилни телефони за време одвивањето на наставата.
